technorati tags:உலகக்கோப்பை-2006, கால்பந்து

இரண்டாவது சுற்றிற்கு தகுதி பெற்ற அணிகள் பங்கேற்கும் இந்த விருதிற்கு அணிகளின் பின்வரும் காரணிகளை பார்த்தபின் தேர்வு செய்யப்படுகிறது.

• அணி பெற்ற மஞ்சள், சிகப்பு அட்டைகள்
• எதிரணி வீரர்களை மதித்து பழகும் பண்பு
• விளையாட்டை நியாமான ஆக்ரோஷத்துடன் அனுகியமுறை
• நடுவர் மற்றும் மற்ற அலுவலர்களிடம் காட்டிய நட்புறவு
• அணியின் பயிற்சியாளர் மற்றும் மற்றைய அலுவலர்களின் நடைமுறை
• இந்த அணியின் ரசிகர்கள் காட்டிய பண்பாடு

technorati tags:உலகக்கோப்பை-2006, கால்பந்து

இந்த தொடரில் 5 கோல் அடித்துள்ள ஜெர்மனியின் Miroslav Klose தங்க காலணி விருதை பெறுகிறார்.

இரண்டாவது இடத்தை அர்ஜென்டினாவின் Hernan Crespo பெற்றார்.

சென்ற வருடத்தின் தங்ககாலணியை பெற்ற பிரேசிலின் ரொனால்டோ இந்த வருடம் மூன்றாவது சிறந்த வீரராக தேர்வு பெற்றார்.

technorati tags:உலகக்கோப்பை-2006, கால்பந்து

சிறந்த வீரருக்குகான விருதுகள்:

 தங்கப்பந்து: Zinedine Zidane

உலகக்கோப்பையின் சிறந்த வீரராக பிரஞ்சு கேப்டன் Zidane தேர்வுசெய்யப்பட்டிருக்கிறார். இறுதிப்போட்டியின் இடைவேளையில் நடைபெற்ற ஓட்டெடுப்பில் அதிகவாக்கு பெற்று தங்கபந்திற்கு பெறுகிறார்.

வெள்ளிப்பந்து: Fabio Cannavaro

வெண்கல பந்து: Andrea Pirlo

technorati tags:உலகக்கோப்பை-2006, கால்பந்து

இந்த போட்டித்தொடர் தொடங்கியபோது இத்தாலி வெற்றிபெரும் என யாரும் கூறியிருந்தால் நான் சிரித்திருப்பேன். இத்தாலியின் கால்பந்து அணி ஒரு நல்ல அணிதான் தவிர உலகக்கோப்பையை வெல்லும் திறன் இருந்ததாக நான் அப்போது நினைக்கவில்லை. இந்த அணி உலகக்கோப்பையை 1934, 1938 மற்றும் 1982ஆம் அண்டுகளில் வென்றுள்ளது. 1994ஆம் ஆண்டு இறுதிப்போட்டிக்கு தகுதி பெற்றது. கடந்த உலகக்கோப்பையில் இரண்டாவது சுற்றிலேயே தென்கொரியாவிடம் தோற்று வெளியேறியது.

போட்டித்தொடர் துவங்கும்முன் இத்தாலியின் பிரபலமான உள்நாட்டு கால்பந்து அணிகளுக்கு (Juventus, Lazio, Fiorentina மற்றும் AC Milan) எதிரான ஊழல் குற்றச்சாட்டு பெரியதாக எழுந்தது. அனேகமாக இந்த குற்றச்சாட்டின் தீர்ப்பு இத்தாலியின் கால்பந்து விளையாட்டின் கட்டமைப்பையே வீழ்த்திவிடும் என்ற எதிர்பார்ப்பு இருந்தது. உலகக்கோப்பை அணியின் 22 வீரர்களில் பாதிபேர் இந்த பிரபல அணிகளில் விளையாடுபவர்கள் தான். எனவே பாதிவீரர்களின் எதிர்காலம் கேள்விக்குரியாக இருந்த தருணத்தில் உலகக்கோப்பைக்கு வந்தார்கள். 1982வது ஆண்டில் இந்த அணி உலகக்கோப்பை வென்றபோதும் இதே போன்ற ஒரு அசாதாராண சூழ்நிலை இத்தாலியில் இருந்ததை இணையத்தில் இன்று சிலர் நினைத்துப் பார்க்கிறார்கள். ;-/

கானா, செக்குடியரசு மற்றும் அமெரிக்காவுடன் E பிரிவில் விளையாடிய துவங்கிய இத்தாலி தனது முதல் சுற்றில் கானா மற்றும் செக்குடியரசு அணிகளை வென்றது. அமெரிக்காவுடனான தனது முதல் சுற்றில் 1-1 என்ற கோல் கணக்கில் டிரா செய்தது. இந்த போட்டியில் இத்தாலியின் Zaccardo தானே அடித்துக்கொண்ட சொந்தகோலினால் தான் அமெரிக்கா டிரா செய்யமுடிந்தது.

முதல் சுற்று E பிரிவு:

இரண்டாவது சுற்று – அதிர்ஷ்டத்தின் பங்கு:

இரண்டாவது சுற்றின் நாக்அவுட் போட்டியில் ஆஸ்ரேலியாவை சந்தித்தது இத்தாலி. ஆட்டத்தின் பெரும்பான்மையான நேரத்திற்கு ஆஸ்ரேலியா அணி சிறப்பாக விளையாடியது. இரண்டாவது பாதி துவங்கிய சிறிது நேரத்தில் இத்தாலியின் Marco Materazzi சிகப்பு அட்டை பெற்று வெளியேறினார். (இவர் மேல்தான் நேற்று Zidane மோதி சிகப்பு அட்டை பெற்று வெளியேறினார்). இரண்டாவது பாதி முழுவதும் 10வீரர்களுடன் விளையாடிய இத்தாலி ஆஸ்ரேலியாவை கோல் ஏதும் அடிக்கவிடாமல் சிறந்த தடுப்பாட்டம் ஆடியது. ஆட்டம் முடிய 1 நிமிடமிருந்த நிலையில் இத்தாலிக்கு ஒரு பெனால்டி வாய்ப்பு கிடைத்தது. அந்த வாய்ப்பை தவறாமல் பயன்படுத்தி கால்இறுதிக்கு தகுதிபெற்றது.

முதல் இரண்டு சுற்றிலும் இத்தாலியின் ஆட்டம் மிகவும் சாதாரணமாகதான் இருந்தது. வழக்கம் போல் இவர்களின் தடுப்பாட்டம் சிறப்பாக தான் இருந்தது. ஒரே ஒரு கோல் அதுவும் இவர்களே அடித்துக்கொண்டது. வேறு எந்த அணியினரும் இத்தாலிக்கு எதிராக கோல் அடிக்கவில்லை. ஆனால் கால்இறுதியிலும், அரையிறுதியிலும் இத்தாலியின் ஆட்டம் மிகச்சிறப்பாக இருந்தது.

கால்இறுதி

இத்தாலி கால்இறுதிப்போட்டியில் உக்ரைன் அணியை சந்தித்தது. இத்தாலியின் அதிரடி ஆட்டம் இந்த போட்டியில் எனக்கு மிகுந்த ஆச்சரியத்தை அளித்தது. இத்தாலி 3-0 கோல் கணக்கில் உக்ரைன் அணியை வென்றது. இத்தாலி 3 கோல்கள் வித்தியாசத்தில் ஜெயித்து நான் பார்த்ததில்லை. இந்த போட்டியில் உக்ரைன் அணியின் அனுபவமின்மையை சரியாக பயன்படுத்தி இத்தாலி வீரர்கள் அதிரடியாக வென்று அரையிறுதிக்கு வந்தனர்.

அரையிறுதி

அரையிறுதியில் ஜெர்மனியை சந்தித்தது இத்தாலி. உலகக்கோப்பையில் சிறப்பாக ஆடிவந்த ஜெர்மனியை நீட்டிக்கப்பட்ட ஆட்டநேரத்தின் கடைசி நிமிடத்தில் அதிர்ச்சியான வகையில் இரண்டு கோல்கள் அடித்து வென்றது. கால்இறுதிவரை சிறப்பாக விளையாடிவந்த ஜெர்மன் அணி இத்தாலியை எளிதாக வென்றுவிடும் என்றே எல்லோரும் கணித்தனர். ஆனால் இத்தாலி ஜெர்மனியின் அதிரடி ஆட்டத்தை திறமையான தடுப்பாட்டத்தின் மூலம் சமாளித்தனர். முழுமையான ஆட்டநேரத்தில் இரு அணிகளும் கோல் ஏதும் அடிக்காமல் சமநிலையில் இருந்தனர். ஆட்டம் பெனால்டி ஷாட்களுக்கே செல்லும் என்ற நிலையில் இத்தாலி தங்களுக்கு கிடைத்த கார்னர் வாய்ப்பை பயன்படுத்தி ஒரு கோல் அடித்தனர். மீதி இருந்த ஒரு நிமிடத்தில் சமன்செய்யும் அவசியத்தில் விளையாடிய ஜெர்மன் அணியின் பதற்றத்தை பயன்படுத்தி இத்தாலி இன்னொரு கோல் போட்டு 2-0 என்று வென்றது.

இறுதிப்போட்டி

நேற்று நடந்த இறுதிப்போட்டியில் இரு அணிகளும் கோல் ஏதும் இல்லாமல் ஆட்டம் பெனால்டி ஷாட்களுக்கு சென்றது. உலகக்கோப்பை வரலாற்றில் இத்தாலிக்கு மறக்க முடியாத பெனால்டி தருணங்கள் உண்டு. இதுவரை இந்த அணி பெனால்டி மூலம் வென்றதே இல்லை. ஆனால் பிரஞ்சு அணியின் கோல்கீப்பரின் திறமையை பார்த்தபின் இன்று இத்தாலி பெனால்டியில் வெல்லும் வாய்ப்பியிருந்ததாக நேற்றிரவு பதிவு செய்தேன். பிரஞ்சு அணியின் ஆட்டம் நேற்று சிறப்பாக இருந்தாலும் Zidaneன் அவசரத்தால் இத்தாலியிடம் தோற்றது. பெனால்டி அடிக்க Zidane இல்லாத பிரஞ்சு அணி தங்களுக்கு கிடைத்த வாய்ப்பை இத்தாலிக்கு தாரைவார்த்தது.

technorati tags:உலகக்கோப்பை-2006, கால்பந்து

நீட்டிக்கப்பட்ட நேரம் முடிய 10 நிமிடங்கள் இருக்கும் போது Zidane பந்து இத்தாலி அணியின் கைக்கு சென்றபின் தன்னுடைய இடத்திற்கு திரும்பினார். அவருக்கு அருகே  இத்தாலியின் Marco Materazzi நடந்துவருகிறார். இருவருக்கும் இடையே எதோ வாக்குவாதம். யாருமே எதிர்பார்க்காத வண்ணம் Zidane Materazziயை நெஞ்சில் மோதி கீழே தள்ளினார்.  அவருடை திறமைக்கும் அனுபவத்திற்கும் இது மிகவும் தகாத செயலாகத்தான் படுகிறது. நடுவர் சிகப்பு அட்டை கொடுக்கிறார்.

ஒரு மிகச்சிறந்த கால்பந்து வீரரின் கடைசி விளையாட்டு நிமிடங்கள் இப்படி முடிந்திருக்கவேண்டாம்.

• இத்தாலி வீரர் Andrea Pirlo தனது அணிக்கான முதல்வாய்ப்பை அடிக்கிறார்.  கோல்   1-0
• பிரஞ்சு வீரர் Wiltord முதல் வாய்ப்பை கோலாக்கினார்.  ஸ்கோர்  1-1
• இத்தாலி வீரர் Marco Materazzi இத்தாலிக்கான இரண்டாவது வாய்ப்பை கோல் அடிக்கிறார் 2-1
• பிரஞ்சு வீரர் Trezeguet தனக்கான வாய்ப்பை பயன்படுத்த தவறுகிறார். பந்து கோல் கம்பத்தில் பட்டு திரும்புகிறது.  ஸ்கோர் 2-1
• இத்தாலி வீரர் Rossi தனக்கு கிடைத்த வாய்ப்பை தவறாமல் அடிக்கிறார். ஸ்கோர் 3-1
• பிரஞ்சு வீரர் Abidal தனக்கு கிடைத்த வாய்ப்பை அடிக்கிறார்.  ஸ்கோர் 3-2
• இத்தாலியின் Del Piero கோல் அடிக்கிறார்.  ஸ்கோர் 4-2
• பிரஞ்சு வீரர் Sagnol கோல் அடிக்கிறார்.  ஸ்கோர் 4-3
• இத்தாலியின் Grosso இத்தாலியின் ஐந்தாவது வாய்ப்பை கோல் அடித்தார்.  ஸ்கோர்.

இத்தாலி பெனால்டியில் 5-3 என்று வென்றது.

பிரஞ்சு வீரர் Malouda பந்தை இத்தாலியின் கோல் கம்பத்திற்கு அருகே கொண்டு செல்கிறார். இத்தாலி வீரர்களால் தடுக்கப்பட கிழேவிழுந்து பிரான்ஸ் அணிக்கு ஒரு பெனால்டி வாய்ப்பை பெற்றுத்தருகிறார். பெறுதற்கரிய இந்த வாய்ப்பை அடிக்க Zidane தானே முன்வருகிறார்.

Zidane ஆல் அடிக்கப்பட்ட பந்து கோல் கம்பத்தின் மேல்விளிபில் பட்டு உள்ளே விழுகிறது. பிரான்ஸ் 1-0 என்று முன்னிலை பெறுகிறது.

ஆட்டத்தின் 11வது நிமிடம் பிரஞ்சு வீரர் Willy Sagnol மஞ்சள் அட்டை பெறுகிறார். இத்தாலி அணி சமன்செய்வதற்கான முயற்சிகளை செய்கிறது.

ஆட்டத்தின் 18வது நிமிடம் இத்தாலியின் Marco Materazzi தலையால் முட்டி கோல் அடிக்கிறார். இரு அணிகளும் தலா ஒரு கோலுடன் சமநிலைக்கு திரும்புகின்றன.

மனதில் பிரான்ஸ் வெற்றிபெறவேண்டும் என்று விரும்பினாலும். இத்தாலிக்கே வாய்ப்புகள் அதிகமிருப்பதாக தோன்றுகிறது. இன்னும் சற்று நேரத்தில் விடைகிடைத்துவிடும். இரு அணிகளுமே தடுப்பாட்டத்திற்கு பெயர்பெற்றவை. பிரான்ஸோ இத்தாலியோ முதலில் ஒரு கோல் போட்டால் போதும் அதை கொண்டே வெற்றி பெற்றுவிடுவார்கள்.

இந்த உலகக்கோப்பையின் சிறந்த இளம்வீரராக ஜெர்மனியின் Podolski தேர்வு செய்யப்பட்டிருக்கிறார். 21 வயதிற்குட்பட்ட வீரர்களுக்கு வழங்கப்படும் இவ்விருதை பெறுவதற்கு போர்ச்சுகலின் கிரிஷ்டியானோ ரொனால்டோ, அர்ஜென்டினாவின் மெஸ்ஸி, ஜெர்மனியின் Podolski, இங்கிலாந்தின் Rooney உள்ளிட்ட 40 வீரர்களுக்கு வாய்ப்பிருந்தது.

இவர்களில் எனது சாய்ஸ் கிரிஷ்டியானோ ரொனால்டோ தான். அர்ஜென்டினாவின் மெஸ்ஸிக்கு இந்த போட்டித்தொடரில் விளையாடும் வாய்ப்பு சரியாக அமையவில்லை. காயம் காரணமாக முதல் சுற்றில் Rooney விளையாடவில்லை. ஆக ரொனால்டோவிற்கே வாய்ப்பு பிரகாசமாக இருந்ததாக நினைத்தேன்.

Podolski தான் விளையாடிய 6 போட்டிகளில் 3 கோல் அடித்தார். இவர் அடித்த 3 கோல்களைவிட தன்னுடன் விளையாடிய முன்கள வீரர் Kloseவுடன் இணைந்து நடத்திய ஜெர்மனியின் தாக்குதல்கள் இவரை முன்னிறுத்தியிருக்கும் என நினைக்கிறேன். ஆனால் போர்ச்சுகலின் ரொனால்டோ சிறப்பாக விளையாடியிருந்தாலும் ஆங்கில மீடியாவில் கிடைத்த சரமாரியான விமர்சனங்களே தேர்வாளர்கள் மனதில் கேள்வியை ஏற்படுத்தியிருக்கும்.

Technorati Tags: உலகக்கோப்பை-2006, கால்பந்து

technorati tags:உலகக்கோப்பை-2006, கால்பந்து

33வது நிமிடத்தில் கிடைத்த பெனால்டி ஷாட் வாய்ப்பை Zidane அடித்து பிரஞ்சு அணியை இறுதி போட்டிக்கு தகுதிபெற செய்தார். விறுவிறுப்பான இரண்டாவது அரையிறுதி ஆட்டத்தில் பிரஞ்சு அணி போர்ச்சுகல் அணியை நேற்று சந்தித்தது. பிரஞ்சு கேப்டன் Zidaneனா (அ) போர்ச்சுகல் கேப்டன் Figoவா ?  யார் தங்களது கடைசி உலகக்கோப்பை இறுதி ஆட்டத்தில் இத்தாலிக்கு எதிராக விளையாடுவார்கள் ?

ஆட்டம் துவங்கிய முதல் நிமிடத்திலேயே பிரஞ்சு அணி தாக்குதலைத் துவங்கியது. பிரஞ்சு அணியின் Malouda தனக்கு கிடைத்த வாய்ப்பை தவறவிட்டார். முதல் 5 நிமிடங்களிலேயே இரண்டு முறை சோதிக்கப்பட்ட பிரஞ்சு கோல்கீப்பர் Bartez ஆரம்பம் முதலே தடுமாறினார். Bartez நேற்று இருந்த நிலையில் போர்ச்சுகல் கொஞ்சம் முயற்சி செய்திருந்தால் கட்டாயம் கோல் அடித்திருக்கலாம். எத்தனை முறை Bartez கையில் வந்த பந்தை தவறவிட்டார். இந்த போட்டி மட்டும் இறுதியில் பெனால்டி ஷாட்டிற்கு சென்றிருந்தால் கட்டாயம் போர்ச்சுகல் வென்றிருக்கும்.

பிரஞ்சு  கோல்கீப்பரை தவிர மற்ற தடுப்பாட்டக்காரர்களும், நடுகள வீரர்களும் சிறப்பாகவே விளையாடினார்கள். ஆட்டத்தின் முதல் கார்னர் வாய்ப்பு பிரஞ்சு அணிக்கே 6வது நிமிடத்தில் கிடைத்தது. கோல் அடிக்கமுடியவில்லை. அடுத்த நிமிடத்தில் போர்ச்சுகல் அணியின் Maniche பிரஞ்சு கோல் கீப்பரை தாண்டி அடிக்க முடியவில்லை. இப்போதும் Bartez தடுமாறிதான் பந்தை பிடித்தார். போர்ச்சுகல் அணிக்கு முதல் கார்னர் வாய்ப்பு 14வது நிமிடத்தில் கிடைத்தது. கோல் அடிக்க முடியவில்லை.

ஆட்டத்தின் 31வது நிமிடத்தில் பிரஞ்சு அணியின் Henry போர்ச்சுகல் கோல் அருகே அருமையாக பந்தை கொண்டுவருகிறார். போர்ச்சுகல் அணியின் Carvalho அவரை தடுக்க முயல தடுமாறி விழுகிறார் Henry. பெனால்டி ஏரியாவில் விழுந்ததால் பிரஞ்சு அணிக்கு பெனால்டி ஷாட் கிடைக்கிறது.

கிடைப்பதற்கரிய இந்த வாய்ப்பை Zidane தானே அடிக்க வருகிறார். போர்ச்சுகல் கோல்கீப்பர் Ricardo சரியாக Zidane அடிக்கும் திசையை கணித்தாலும் அவரால் தடுக்க முடியவில்லை. Zidane 1-0 என்று பிரஞ்சு அணியை முன்னிலைப்படுத்துகிறார்.

 
ஆனால் பிரஞ்சு அணியின் மொத்த விளையாட்டு அவர்களின் முந்தைய இரண்டு ஆட்டங்களை போல் இல்லை (பிரேசிலை வென்றது, ஸ்பெயின் அணியை வென்றது). கேப்டன் Zidane ஒரு கோல் அடித்திருந்தாலும் பிரேசிலுக்கு எதிராக ஆடிய அற்புதமான விளையாட்டு இன்று இல்லை. போர்ச்சுகல் அணி தங்களுக்கு கிடைத்த பல வாய்ப்புகளையும் கோல் அடிக்கமுடியாமல் தவறவிட்டதே அவர்களின் தோல்விக்கு காரணம். பிரான்ஸ்க்கு எதிராக விளையாடி தோற்ற அவர்களின் வரலாறு வீரர்களின் மனதில் இருந்திருக்கலாம்.

போர்ச்சுகல் அணியில் Cristiano Ronaldoவின் ஆட்டம் குறிப்பிட்டு சொல்லும்படி இருந்தது. இரண்டாவது பாதியில் Ronaldoவிடம் பந்து செல்லும் போதெல்லாம் போர்ச்சுகல் ரசிகர்களின் மத்தியில் மிகுந்த எதிர்பார்ப்பு இருந்தது. இரண்டாவது பாதியில் பிரஞ்சு அணிக்கு Henry மற்றும் Ribery ஆளுக்கு ஒரு வாய்ப்பு உருவாக்கி கொண்டார்கள். ஆனால் கோல் ஏதும் அடிக்கமுடியவில்லை. இப்படி குறிப்பிட்டு சொல்லும் தருணங்களை தவிர பெரும்பான்மையான நேரம் பிரஞ்சு அணி பந்தை கடத்துவதிலேயே செலவிட்டது. முதல் பாதியில் கிடைத்த 1-0 என்ற முன்னிலையே போதும் என்ற மனநிலையில் இருந்ததாக எனக்கு பட்டது. பிரஞ்சு முன்னனி வீரர் Henry ஆட்டத்தின் கடைசி 5 நிமிடங்கள் இருக்கும் போது களத்திலிருந்து வெளியேறுகிறார். அவருக்கு பதிலாக மாற்று ஆட்டக்காரராக Saha இறங்கினார். ஒரு கோல் முன்னிலையில் இருந்தாலும் பிரஞ்சு அணியின் இந்த முடிவு கொஞ்சும் அதிகம் தான்.

Technorati Tags: உலகக்கோப்பை-2006, கால்பந்து

வீரர்களின் கோல் நிலை:

technorati tags:உலகக்கோப்பை-2006, கால்பந்து

Technorati Tags: உலகக்கோப்பை-2006, கால்பந்து

இன்று நடக்கும் மற்றொரு அரையிறுதியில் பிரான்ஸ் போர்ச்சுகல் அணியை சந்திக்கிறது. நேற்று நடந்த முதல் அரையிறுதியில் இத்தாலி ஜெர்மனியை வென்று ஏற்கனவே இறுதிப்போட்டிக்கு தகுதி பெற்றுள்ளது.

இத்தொடரில் விளையாடிய 5 போட்டிகளையும் வென்றுள்ள போர்ச்சுகல் அணி இதுவரை 6 கோல்களை மட்டுமே அடித்துள்ளது. இவர்களுக்கு எதிராக ஒரே ஒரு கோல் மட்டுமே அடிக்கப்பட்டுள்ளது (முதல் சுற்றில் மெக்ஸிகோ வீரர்கள் அடித்தது). இரண்டாவது சுற்றில் ஹாலந்துக்கெதிரான இவர்களின் ஆட்டம் நிறைய விமர்ச்சிக்கப்பட்டது. அந்த போட்டியில் வழங்கப்பட்ட 16 மஞ்சள் அட்டைகளும் 4 சிகப்பு அட்டைகளும் என்றும் நினைவில் நிற்கும். போர்ச்சுகல் அணி தங்களது கால்இறுதி ஆட்டத்தில் இங்கிலாந்து அணியைச் சந்தித்தனர். இந்த போட்டியில் முழுநேரத்திலும் கோல் ஏதும் அடிக்காமல் பெனால்டி ஷாட்களில் இவ்வணியின் கோல்கீப்பர் Ricardo தடுத்த 3 பெனால்டி ஷாட்களினால் வென்றனர்.

பிரஞ்சு அணியோ சுனக்கமாக முதல் சுற்றை துவங்கினாலும் இரண்டாவது சுற்றிலும் கால்இறுதியிலும் மிகவும் சிறப்பாக விளையாடினார்கள். முதல் மூன்று போட்டிகளில் இரண்டை டிரா செய்து ஒன்றை வென்று இரண்டாவது சுற்றிற்கு தகுதி பெற்ற பிரஞ்சு அணி தனது இரண்டாவது சுற்றில் ஸ்பெயின் அணிக்கு எதிராக 3-1 என்ற கணக்கில் கம்பிரமாக பெற்ற வெற்றி இந்த அணிக்குள் ஏற்பட்ட மாற்றதிற்கு கட்டியம் கூறியது. அடுத்தபடியாக கால்இறுதியில் தற்போதய சேம்பியன்களான பிரேசிலை வென்றதன் மூலம் இக்கோப்பைக்கு தாங்கள் தகுதியானவர்கள் என நிருபித்தனர்.

இரண்டாவது சுற்றில் பெற்ற தடைகளிலிருந்து வெளிவரும் போர்ச்சுகல் வீரர்கள் Costinha மற்றும் Deco இன்றைய போட்டிகளில் விளையாடுவார்கள். பிரஞ்சு அணியோ தங்களது வெற்றி வீரர்களை மாற்றமாட்டார்கள் என நினைக்கிறேன்.

பிரேசில் நாட்டைச் சேர்ந்தவரன போர்ச்சுகல் கோச் Scolari வழிகாட்டுதலில் விளையாடும் போர்ச்சுகல் அணி கால்பந்து விளையாட்டை ஒரு யுத்தமாகவே பார்கிறார்கள்.

இன்றும் வழக்கம் போல் இவ்வணி 4-5-1 யுத்தி கையாளும் என நினைக்கிறேன். அதுவும் கூடுதலாக Zidaneயை சுற்றியே இவர்களின் வியூகம் இருக்கும்.

Zidaneயை மையமாக கொண்டு வரும் பிரஞ்சு அணியோ கடந்த இரண்டு ஆட்டங்களிலின் மூலம் இவ்வுலகக்கோப்பை தங்களுக்கு சொந்த கொண்டாட தகுதி பெற்றவர்கள் என காட்டியிருக்கிறார்கள். போர்ச்சுகல் அணியின் தாக்குதலை தாக்குபிடித்து விளையாட இவர்களுக்கு 4-4-2 தேவையிருக்கும் என்பது எனது கருத்து. ஆனால் இவர்களும் 4-5-1 என Henryயை முன்வைத்து விளையாடுவது Zidaneயை பாதுகாக்க உதவும்.

பேப்பரில் பார்க்கும் போது போர்ச்சுக்கல் அணி சற்று முன்னே தெரிந்தாலும் எனது வாக்கு பிரஞ்சு அணிக்கே.

Technorati Tags: உலகக்கோப்பை-2006, கால்பந்து

எதிர்பார்க்க தருணத்தில் ஒரே நிமிடத்தில் ஒன்றல்ல இரண்டு கோல்கள் இத்தாலியிடம் இருந்து. ஜெர்மனி வீரர்கள் இரண்டாவது கோல் அடிக்கப்பட்டதை உணரும் முன் நடுவரின் விசில் நீட்டிக்கப்பட்ட ஆட்டநேரம் முடிந்ததை அறிவிக்கிறது. கடைசி நிமிடத்தில் இத்தாலி ஜெர்மனியை அரையிறுதி போட்டியில் 2-0 என்ற கோல் கணக்கில் வென்று இறுதிப் போட்டிக்கு தகுதி பெற்றது.

நீட்டிக்கப்பட்ட ஆட்டநேரம் முடிய ஒரு நிமிடமிருக்கும் நிலையில் இத்தாலியின் Iaquinto, Totti இருவரும் அமைத்துக்கொடுத்த வாய்ப்பை Andrea Pirlo ஜெர்மனியின் கோல்கம்பத்திற்குள் அடிக்க முயல அதை ஜெர்மன் கோல்கீப்பர் Lehmann சிறப்பாக தடுக்கிறார். பந்து அவர் கையில் பட்டு வெளியே செல்கிறது. இத்தாலிக்கு Corner வாய்ப்பு கிடைக்கிறது. Pirlo அதை அடித்துக்கொடுக்க Grosso ஜெர்மன் கோலுக்குள் அடிக்கிறார்.

119 நிமிடத்தில் அடித்த இந்த கோலினால் ஜெர்மன் அணியினரும் ரசிகர்களும் சற்று ஆடித்தான் போனார்கள். ஆனாலும் சுதாரித்துக்கொண்டு மீதி இருக்கும் நேரத்திற்குள் ஒரு கோல் அடித்து சமன் செய்யத்துடித்தார்கள்.  பெனால்டி ஷாட்டிற்கு கொண்டு சென்றுவிட்டால் ஜெர்மனி ஜெயிக்கும் வாய்ப்பு அதிகம் இருந்தது.

ஜெர்மனி கொண்டு வந்த பந்தை இத்தாலியின் Gilardino தடுத்து Del Pieroவிடம் தந்தார். ஜெர்மன் வீரர்கள் அனைவரும் கோல் அடிக்கும் முனைப்புடன் மைதானத்தின் இத்தாலியின் பக்கத்தில் இருந்த போது தனியாக இருந்த Lehmannயை தாண்டி அடிப்பதற்கு Piero பெரிய முயற்சிகள் ஏனும் எடுக்க தேவையில்லாமல் இரண்டாவது கோல் கிடைத்தது.

அரையிறுதி வரை ஜெர்மன் அணி விளையாடிய ஆட்டத்தை பார்த்த போது இந்த போட்டியையும் பெனால்டி ஷாட் மூலம் தான் வெல்வார்கள் என நினைத்திருந்தேன். ஜெர்மனி அணியில் Kloseயை விட Podolski தான் சிறப்பாக விளையாடினார். இந்த இரு வீரர்களும் கடந்த 5 போட்டிகளில் தங்களுக்குள் பந்தை பறிமாறிக்கொண்ட வேகம் இந்த ஆட்டத்தில் காணப்படவில்லை. இருந்திருந்தால் முதல் பாதியில் கிடைத்த இரண்டு வாய்ப்புகளையும் கோல்களாக மாற்ற முடிந்திருக்கும்.

Klose தன் பங்கிற்கு கிடைத்த 3 (அ) 4 வாய்ப்புகளை  தவறவிட்டார். 32வது நிமிடத்தில் Podolski மற்றும் Klose  எடுத்து கொடுத்த பந்தை Bernd Schneider கம்பத்திற்கு சிறிது உயரே அடித்தார். ஜெர்மனிக்கு கிடைத்த சிறந்த வாய்ப்பு இதுவே ஆகும். இதுவரை 5 கோல்கள் அடித்து ஜெர்மனிக்கு உதவிய Klose இன்று இன்னொரு கோல் அடிக்கமுடியாமல் தவித்தார்.

முதல் பாதியில் இத்தாலி அணியும் தனக்குரிய வாய்ப்புக்களை உருவாக்கி கொண்டிருந்தது. எப்போதும் தடுப்பாட்டத்திலேயே குறியாக இருக்கும் இத்தாலி வீரர்கள் இப்போட்டியில் முதல் பாதியிலேயே தங்களுக்கான வாய்ப்புகளை உருவாக்கிகொண்டனர். அதில் Lehmann தடுத்த 16வது நிமிடத்து வாய்ப்பு கோலாக அடிக்கப்பட்டிருக்கவேண்டியது

90 நிமிட முழுமையான ஆட்டநேரத்தில் இரு அணிகளும் கோல் ஏதும் அடிக்காததால் ஆட்டநேரம் நீட்டிக்கப்பட்டது. நீட்டிக்கப்பட்ட நேரமும் கோல் ஏதும் இல்லாமல் முடிந்துவிடும் என நினைத்தவேளையில் இத்தாலி ஒரு கோல் அடித்து ஆட்டத்திற்கு சுவைகூட்டியது. ஒரு கோல் அடித்து சமன் செய்யும் நோக்கில் ஜெர்மனி கண்ணைமூடிக்கொண்டு பாய இத்தாலி இன்னொரு கோல் அடித்தது.

இந்த போட்டித்தொடரின் தொடர்ச்சியாக கிடைக்கும் மூன்றாவது அதிர்ச்சித்தோல்வி இது. முதலில் அர்ஜென்டினா, பிரேசில், இப்போது ஜெர்மனி. 

Technorati Tags: உலகக்கோப்பை-2006, கால்பந்து

பிரான்ஸ் 1 – பிரேசில் 0

கால்இறுதியில் மிகவும் எதிர்பார்க்கப்பட்ட மற்றொரு ஆட்டம் இது. கடைசி இரண்டு போட்டிகளாக பிரஞ்சு அணியின் ஆட்டத்தில் கண்ட தலைகீழ் மாற்றங்களுக்கு பிறகு இந்த போட்டி மிகந்த முக்கியத்துவம் பெற்றது. பிரேசில் அணி வீரர்கள் இன்னும் 1998 இறுதிப்போட்டியை மறந்து இருக்கமாட்டார்கள்.

பிரஞ்சு அணியில் கேப்டன் Zidane துவக்கம் முதல் இறுதி வரை சிறப்பாக விளையாடியதோடு இல்லாமல் பிரஞ்சு அணியையும் நன்றாக வழிநடத்தினார். ஆட்டத்தின் இரண்டாவது பாதியில் பிரஞ்சு வீரர்களான Henry மற்றும் Ribery இருவரும் சிறப்பாக பந்தை நகர்த்தி பிரேசிலின் தடுப்பாட்டத்தை நன்றாகவே சோதித்தனர்.

பிரஞ்சு தடுப்பாட்டக்காரர்கள் திறம்பட செயல்பட்டு ஒவ்வொருமுறை பிரேசில் பந்து கொண்டுவரும் போதும் அதை கவர்ந்து மறுபக்கம் கொண்டு சென்றனர். யார் எப்போது கோல் அடிப்பார்கள் என்ற பரபரப்பிலே சென்ற முதல் பாதி கோல் ஏதும் இன்றி முடிந்தது.

ஆட்டத்தின் 57வது நிமிடத்தில் கிடைத்த free-kickயை Zidane அடிக்க பிரஞ்சு அணியின் Henry கோல் அடித்தார்.

பிரேசில் கோட்டைவிட்ட இந்த ஒரு தருணத்தினால் அவர்களின் உலகக்கோப்பை கனவு இந்த முறை தகர்ந்தது. பிரஞ்சு வீரர்களோ இந்த ஒரு கோலின் முக்கியத்துவம் உணர்ந்து கொண்டாடினர்.

உலகக்கோப்பை போட்டிகளில் பிரேசில் பிரஞ்சு அணியுடன் தோற்பது இது மூன்றாவது முறை. பிரேசில் பிரஞ்சு அணியை நான்கு முறை உலகக்கோப்பை போட்டிகளில் சந்தித்திருந்த போதிலும் ஒரே ஒரு முறை மட்டுமே வென்றிருக்கிறார்கள். 1998ல் உலகக்கோப்பை இறுதி போட்டியில் Zidane இரண்டு கோல் அடித்து பிரேசிலை வென்றது யாராலும் மறக்க முடியாது.

இரண்டாம் சுற்று மற்றும் இந்த கால்இறுதியில் பிரஞ்சு அணி விளையாடிய ஆட்டம் அவர்களின் முதல் சுற்றின் காயங்களை மறக்கச்செய்கிறது.  தென்கொரியாவுடனான முதல் சுற்று ஆட்டம் டிராவில் முடிந்தவுடன் பிரான்ஸ் அணி இரண்டாவது சுற்றிற்கே வரவாய்ப்பில்லை என நினைத்திருந்தேன். ஆனால் அந்த அணி இப்போது அரையிறுதியில்.  1998 திரும்புமா ? Zidane மேஜிக் அவர்களை இறுதி போட்டிவரை கொண்டு செல்லும் என்ற நம்பிக்கை இருக்கிறது. ஆனால் ஜெர்மனியை வெல்ல உதவும் என்று தோன்றவில்லை.

Technorati Tags: உலகக்கோப்பை-2006, கால்பந்து

இங்கிலாந்து மற்றும் போர்ச்சுகல் அணிக்கு இடையேயான மூன்றாவது கால்இறுதி போட்டி நேற்று நடந்தது. இங்கிலாந்து அணி முதல் சுற்றில் 2 போட்டிகளையும், இரண்டாம் சுற்றில் ஈக்வாடார் அணியையும் வென்று இந்த கால்இறுதிக்கு வந்துள்ளது. இந்த அணியினர் இதுவரை 6 கோல்கள் அடித்துள்ளனர். இவர்களுக்கு எதிராக இரண்டு கோல்கள் அடிக்கப்பட்டுள்ளன.

போர்ச்சுகல் அணியோ தங்கள் முதல் சுற்று ஆட்டங்கள் மூன்றையும் வென்றது. ஸ்பெயின்க்கு எதிரான அவர்களின் இரண்டாம் சுற்று ஆட்டம் மஞ்சள், சிகப்பு அட்டைகளுக்காக எப்போதும் மறக்க முடியாததது. இவ்வணி வீரர்கள் இதுவரை 6 கோல்கள் அடித்துள்ளனர். இவர்களுக்கு எதிராக ஒரே ஒரு கோல் அடிக்கப்பட்டிருக்கிறது.

இந்த கால்இறுதியில் இவ்விரு அணிகளும் மோது போது இதே நிலையில் இவ்விரு அணிகள் சந்தித்த யூரோ 2004 – கால்இறுதி போட்டி நினைவிலிருந்து தப்பாது. அந்த போட்டியில் பெனால்டியில் போர்ச்சுகல் அணி வென்றது இங்கிலாந்து வீரர்களின் மனதிலிருந்து இன்னும் அகலவில்லை என நினைக்கிறேன்.

விறுவிறுப்பாக சென்ற முதல் பாதியில் இரு அணிகளுமே கோல் ஏதும் அடிக்கவில்லை. தங்களுக்கு கிடைத்த சில வாய்ப்புக்களையும் தவறவிட்டனர்.

இரண்டாம் பாதி துவங்கி 10 நிமிடங்களுக்குள் இங்கிலாந்தின் கேப்டன் David Beckham காயம் காரணமாக வெளியேறினார்.

அதற்கு அடுத்த ஐந்தாவது நிமிடத்தில் இங்கிலாந்தின் இளம்வீரர் Rooney சிகப்பு அட்டை பெற்று வெளியேறினார்.

இங்கிலாந்து அணி ஆட்டத்தின் கடைசி 30 நிமிடங்களும் 10 வீரர்களுடனே விளையாட நிர்பந்திக்கப்பட்டது. இந்த சூழ்நிலையிலும் கோல் அடிக்க முடியாதது போர்ச்சுகல் அணியின் இயலாமையையே காட்டுகிறது.

ஆட்டநேர முழுமைக்கும் கோல் ஏதும் அடிக்கப்படாததால் ஆட்டம் நீட்டிக்கப்பட்டது. நீட்டிக்கப்பட்ட 30 நிமிடங்களிலும் கோல் ஏதும் அடிக்கப்படவில்லை. ஆகையால் இந்த போட்டியும் பெனால்டி ஷாட்களுக்கு சென்றது. 

ஆட்டநேரத்தில் கடைசி 30 நிமிடங்கள், அதன் பின்னர் நீட்டிக்கப்பட்ட 30 நிமிடங்கள் என ஒரு மணி நேரம் 10 வீரர்களுடன் கோல் ஏதும் வாங்காமல் சமாளித்தது இங்கிலாந்தின் அதிர்ஷ்டமே.  போர்ச்சுகல் வீரர்களுக்கும் பெனால்டியின் ஏதும் நம்பிக்கை இருந்திருக்கலாம்.

போர்ச்சுகல் கோல்கீப்பர் Ricardo இங்கிலாந்து அணிக்காக பெனால்டி அடிக்க வந்த Lampard, Gerrard மற்றும் Carragher ஆகிய மூவர் அடித்த பெனால்டி ஷாட்களை தடுத்ததன் மூலம் போர்ச்சுகல் வெற்றிக்கு உதவினார்.


உலகக்கோப்பை ஆட்டங்களில் மூன்று பெனால்டி ஷாட்களை தடுப்பது என்பது மிகப்பெரிய சாதனை தான்.
 

Technorati Tags: உலகக்கோப்பை-2006, கால்பந்து

இத்தாலி 3 – உக்ரைன் 0

நேற்று இரவு நடந்த மற்றொரு கால்இறுதியில் இத்தாலி உக்ரைன் அணியை 3-0 என்ற கோல் கணக்கில் வென்றது. இந்த வெற்றியின் மூலம் இத்தாலி அரையிறுதிக்கு தகுதி பெற்றுள்ளது. இவ்வணி அரையிறுதியில் ஜெர்மனியை எதிர்கொள்கிறது.

முதல் முறையாக உலகக்கோப்பை விளையாடவரும் உக்ரைன் அணி வீரர்களுக்கு இத்தாலிக்கு எதிரான இந்த ஆட்டம் தங்களது திறமையை காண்பிக்க சரியான வாய்ப்பாக இருந்தது. அவர்கள் அதை எளிதில் தவறவிட்டனர். கால்இறுதி என்ற படபடப்பு அவர்களுக்கு இருந்திருக்கும் என தோன்றுகிறது. தடுப்பட்டத்திற்கு பெயர்போன இத்தாலியுடன் விளையாடும் போது தடுப்பாட்டம் மிகவும் அவசியம். இத்தாலி ஒரு கோல் போட்டாலும் போதும் அதை கொண்டே மீதம் உள்ள நேரம் அனைத்தையும் ஒப்பேற்றிவிடுவார்கள். இந்த ஆட்டத்தில் இத்தாலியை 6வது நிமிடத்திலேயே ஒரு கோல் அடிக்க விட்டுவிட்டு வெகுநேரம் உக்ரைன் அணி முழித்தது. இத்தாலி வீரர் Gianluca Zambrotta 6வது நிமிடத்தில் ஒரு கோல் அடித்து இத்தாலி அணியை முன்னிலைப்படுத்தினார்.

நேரம் மளமளவெனக் கரைய உக்ரைன் அணியை பதற்றம் தொற்றிக்கொண்டது. இத்தாலி வீரர் Luca Toni இச்சூழ்நிலையை பயன் படுத்தி ஆட்டத்தின் 59 நிமிடத்தில் ஒரு கோலும் 69வது நிமிடத்தில் மற்றொரு கோலும் அடித்து இத்தாலியை 3-0 என்ற கணக்கில் வெற்றி பெற உதவுகிறார்.


இத்தாலி சமிபத்தில் எந்த ஒரு சர்வதேச போட்டியிலும் 3 கோல்கள் அடித்ததாக எனக்கு நினைவில்லை. ஆக உக்ரைன் அணி தங்கள் முதல் முயற்சியில் கால்இறுதியுடன் திருப்தியடைந்து விட்டார்கள் என தோன்றுகிறது.

technorati tags:உலகக்கோப்பை-2006, கால்பந்து

நேற்று நடந்த முதல் கால்யிறுதி ஆட்டத்தில் நீட்டிக்கப்பட்ட நேரத்திலும் இரு அணிகளும் 1-1 சமநிலையில் இருந்ததினால் கடைசியில் பெனால்டி ஷாட்களினால் முடிவு செய்யும் கட்டாயம் ஏற்பட்டது. ஜெர்மனியின் கோல் கீப்பர் Lehmann இரண்டு பெனால்டி ஷாட்களை தடுத்து ஜெர்மனியை 4-2 என்ற பெனால்டி ஷாட் வித்தியாசத்தில் வெற்றி பெற உதவினார்.

மிகவும் எதிர்பார்க்கப்பட்ட போட்டி என்பதினால் இரு அணிகளுமே துவக்கத்திலிருந்தே கவனமாக விளையாடினார்கள். கடந்த நான்கு போட்டிகளிலிலும் முதல் 10 நிமிடத்திற்குள் ஒரு கோலாவது அடித்து முன்னிலை பெற்றுவரும் ஜெர்மன் அணி, இந்த ஆட்டத்தில் செய்ய முடியவில்லை. முதல் பாதியில் இரு அணிகளின் தடுப்பாட்டக்காரர்களும் சிறப்பாக செயல்பட்டனர். முதல் பாதி முடியும் போது இரு அணிகளும் கோல் ஏதும் இல்லாமல் சமநிலையில் இருந்தனர். இரு அணிகளும் சில தாக்குதல் யுத்திகளை செய்தாலும் முதல் பாதி முழுவதும் தடுப்பாட்டத்திலேயே கழிந்தது. அர்ஜென்டின அணி மெக்ஸிகோவுடனான இரண்டாம் சுற்றிலும் இதே யுக்தியை கையாண்டனர். இப்போட்டித்தொடரில் முதல் பாதி முழுவதும் தாக்குதல் ஆட்டத்திலேயே கவனம் செலுத்திய ஜெர்மன் அணி இப்போட்டியில் கோல்கள் விழாமல் தடுப்பதிலேயே கவனம் செலுத்தினர். ஜெர்மனியின் தடுப்பாட்டம் சிறப்பாக இருந்தாலும் பந்து பெரும்பான்மையான நேரம் அர்ஜென்டின வீரர்களின் வசமே இருந்தது.

இரண்டாம் பாதி துவங்கிய 4வது நிமிடத்தில் கிடைத்த ஒரு கார்னர் வாய்ப்பை அர்ஜென்டினாவின் Riuelme அடிக்க அதை Ayala தலையால் முட்டி கோலாக்கினார். மிக முக்கியமான இந்த கால்யிறுதியில் அர்ஜென்டினா 1-0 என்று முன்னிலை பெற்றது.

இதற்கு அடுத்து கிடைத்த ஒரு வாய்ப்பை Maxi Rodriguez கோல் கம்பத்திற்கு சற்று 1 அடி தள்ளியடித்தார். மெக்ஸிகோவுடனான இரண்டாவது சுற்றில் நீட்டிக்கப்பட்ட நேரத்தில் இவர் அடித்த கோல் இன்னும் எல்லோருடைய நினைவில் இருக்கும்.

ஜெர்மனியின் Ballack தனக்கு கிடைத்த இரண்டு வாய்ப்புகளை (முதல் பாதியில் ஒன்று & இரண்டாம் பாதியில் மற்றொன்று) தவறவிட்டார். இரண்டாம் பாதியில் இவர் அர்ஜென்டின கோல் கீப்பரையும் தாண்டி கொண்டு வந்த பந்து Ayalaவால் தடுக்கப்பட்டது. இதைப் பார்த்தவுடன் ஜெர்மனி தனக்கு கிடைத்த ஒரே வாய்ப்பையும் தவறவிட்டதாகவே நினைத்தேன்.

ஆட்டத்தின் 71வது நிமிடத்தில் ஜெர்மனியின் முன்னிலை ஆட்டக்காரர் Klose பந்தை அடிக்க முயல, அதை அர்ஜென்டின கோல் கீப்பர் Abbondanzieri தடுக்க முயல, இருவரும் மோதிக்கொண்டனர். இறுதியில் அர்ஜென்டின கோல் கீப்பர் காயம் காரணமாக வெளியேறும் நிலை ஏற்பட்டது. இந்த ஒரு நிகழ்வே இந்த அர்ஜென்டினா அணி தோல்விக்கு காரணம் என தோன்றுகிறது.

மாற்று கோல்கீப்பராக Franco களமிறங்கினார்.

அடுத்த பத்து நிமிடங்களில் ஆட்டத்தின் 80வது நிமிடத்தில் Ballack, Brorwski எடுத்து கொடுக்க Klose இப்போட்டி தொடரின் ஜந்தாவது கோலை அடித்து ஜெர்மனியின் நம்பிக்கைக்கு உயிர் கொடுத்தார்.

ஆட்டத்தின் முழு நேரத்தில் இரு அணிகளும் 1-1 சமநிலையில் இருந்தன. ஆட்டம் நீட்டிக்கப்பட்டது.

அடுத்த முப்பது நிமிடங்களிலும் கோல் ஏதும் அடிக்கப்படவில்லை. அர்ஜென்டினாவின் Maxi Rodriguez கோல் கம்பத்தை நோக்கி பந்தை கொண்டு செல்லும் போது Philipp Lahmஆல் தடுக்கப்படுகிறார். கீழே விழுந்த Maxiக்கு நடுவர் மஞ்சள் அட்டை கொடுத்தார்.

இந்த தருணத்தில் நடுவரின் தீர்ப்பு அர்ஜென்டினாவிற்கு சாதகமாக இருந்திருக்கவேண்டும் என்பது எனது கணிப்பு. அப்படியிருந்தால் அவர்களுக்கு ஒரு பெனால்டி ஷாட் கிடைத்திருக்ககூடும். ஆனால் ஆட்டம் தொடர்ந்தது, கடைசிவரை இரு அணிகளும் 1-1 என்று சமநிலையில் இருந்ததால் பெனால்டி ஷாட்க்கு அழைக்கப்பட்டது.

ஜெர்மன் அணிக்கு பெனால்டி ஷாட் அடிக்க வந்த Neuville, Ballack, Podolski மற்றும் Borowski ஆகிய வீரர்கள் தங்களுக்கு கிடைத்த வாய்ப்பை தவறாது அடித்து ஜெர்மனியை காப்பாற்றினர்.


அர்ஜென்டினாவிற்கு பெனால்டி அடிக்கவந்த Ayala மற்றும் Cambiasso அடித்த ஷாட்டை ஜெர்மன் கோல்கீப்பர் Lehmann தடுத்து ஜெர்மனியை அரையிறுதிக்கு செல்ல உதவினார்.

பெனால்டி ஷாட் தந்த ஏமாற்றத்தில் இருந்த அர்ஜென்டின வீரர்கள் ஜெர்மன் அணி வீரர்களுக்கும் இடையே வார்த்தை தடித்து கைகலப்பும் ஏற்பட்டது. அர்ஜென்டின வீரர் Cufreக்கு ஆட்டம் முடிந்த பின் சிகப்பு அட்டை காண்பிக்கப்பட்டது. போட்டியில் பங்கேற்காத வீரருக்கு சிகப்பு அட்டை வழங்கப்படுவது இதற்கு முன் நடந்திருக்கிறதா என்று தெரியவில்லை.

technorati tags:உலகக்கோப்பை-2006, கால்பந்து

இரவு 12:30  -  இத்தாலி vs உக்ரைன்  

இன்று நடவிருக்கும் மற்றொரு கால்இறுதி ஆட்டத்தில் இத்தாலி உக்ரைன் அணியைச் சந்திக்கிறது. இவ்விரு அணிகளும் தப்பி பிழைத்து கால்இறுதிக்கு வந்துவிட்டன.  இப்போது விளையாடவிருக்கின்ற 8 அணிகளையும் தரவரிசைப்படுத்த சொன்னால் இவ்விரு அணிகளும் தான் கடைசி இரண்டு இடங்களையும் பிடிக்கும்.  ஆனால் இதில் ஒரு அணி அரையிறுதி வரை வந்து உலகில் நான்கு சிறந்த அணிகளில் ஒன்றாக காட்சியளிக்கும். :-/

இப்போது இவ்விரு அணிகளையும் ஒப்பிட்டு பார்க்கலாம்.  இத்தாலி தனது முதல் சுற்றில் இரண்டு போட்டிகளில் வென்றது. அமெரிக்க அணியுடனான அதன் ஆட்டம் டிராவில் முடிந்தது.  அதுவும் இத்தாலி அணியே(Zaccardo) அமெரிக்காவுக்கு தானம் கொடுத்த சொந்த கோலினால் தான். இரண்டாம் சுற்றில் கடைசி நிமிடத்தில் கிடைத்த பெனால்டி மூலம் ஆஸ்ரேலிய அணியை வென்று இப்போது கால்இறுதியில் விளையாடுகிறது. இத்தாலி வீரர்கள் இதுவரை விளையாடிய 4 போட்டிகளில் 6 கோல்கள் அடித்துள்ளனர். இவர்களுக்கு எதிராக 2 கோல்கள் மட்டும் அடிக்கப்பட்டிருக்கின்றன். (அதில் ஒன்று இத்தாலியே போட்டுக்கொண்டது.).  பாரம்பரியமாகவே இத்தாலி அதிககோல்கள் அடித்தது கிடையாது. ஆனால் அவர்களின் தடுப்பாட்டம் சிறப்பாக இருக்கும். இந்த போட்டித்தொடரிலும் அவர்கள் தடுப்பாட்டம் குறையவில்லை என்றே இத்தாலி நிருபித்திருக்கிறது. 

உலகக்கோப்பைக்கு புதியவர்களான உக்ரைன் அணியோ தங்களது முதல் போட்டியில் ஸ்பெயினை சந்தித்தார்கள்.  ஸ்பெயினின் அதிரடி ஆட்டத்தை யாரும் மறந்திருக்கமுடியாது.  4-0 என்ற கோல் கணக்கில் ஸ்பெயினிடம் தோல்வியடைந்தனர்.  ஆனால் அதற்கு பிறகு விளையாடிய மூன்று போட்டிகளிலும் இந்த அணிக்கு எதிராக கோல் ஏதும் அடிக்கப்படவில்லை. இந்த் அணி வீரர்கள் 5 கோல்கள் அடித்துள்ளனர்.  இரண்டாவது சுற்றில் சுவிஸ் அணியை 3-0 என்ற பெனால்டி ஷாட்களில் வென்று இப்போது கால்இறுதிக்கு வந்திருக்கின்றனர்.

இத்தாலி வீரர் Marco Materazzi – மஞ்சள் அட்டையின் காரணமாக இந்த போட்டியை விளையாடமுடியாது. இத்தாலி வென்றால் அரையிறுதியில் விளையாடலாம்.  ஏற்கனவே காயம் காரணமாக சில வீரர்களை இழந்திருக்கும் இத்தாலிக்கு இது ஒரு சரிவே. இந்த போட்டியில் இத்தாலி 5-3-2 வீயூகத்துடன் துவங்கும் என நினைக்கிறேன்.  அணியின் முன்னிலையில் Toni, Gilardino எப்போதும் போல் விளையாடுவார்கள். ஆஸ்ரேலியாவுடனான பெனால்டி கோல் அடித்த Totti முதலிலேயே களமிறங்குவார் என எதிர்பார்க்கலாம்.

உக்ரைன் அணியிலும் காயம் காரணமாக Voronin விளையாட முடியாது. ஆனால் இரண்டாவது சுற்றில் மஞ்சள் அட்டையினால் விளையாடாத Svidersky மற்றும் Rusol மீண்டும் இந்த போட்டியில் விளையாடுவார்கள் என எதிர்பார்க்கலாம். இதன் மூலம் உக்ரைனின் தடுப்பாட்டம் உறுதிபெறுகிறது.

இரு அணிகளும் தடுப்பாட்டத்திலேயே துவங்கும் என்பது எனது கணிப்பு.  இத்தாலியின் தடுப்பை தாண்டி உக்ரைன் கோல் அடித்தால் தான் உண்டு.  இத்தாலி வீரர்கள் கோல் அடிப்பதற்குள் ஆட்டநேரம் முடிந்துவிடும்.  அனேகமாக இரு அணிகளும் கோல் இல்லாமல் / சமநிலையில் ஆட்டம் நீட்டிக்கபடும்.  கோலே இல்லாமல் 90 நிமிடங்களை கடத்துவது இத்தாலிக்கு கைவந்த கலை.  இத்தாலியின் உறுதியான தடுப்பட்டத்தை தாண்டி கோல் அடிப்பதே உக்ரைன் வீரர்களுக்கு சவால்.  இந்த ஆட்டம் பெனால்டி மூலமே தீர்மானிக்கப்படும் என நினைக்கிறேன்.

Technorati Tags: உலகக்கோப்பை-2006, கால்பந்து

கால்யிறுதி போட்டிகளின் தீவிரத்தை எடுத்துக்காட்டும் வண்ணம் முதல் போட்டியே ஜெர்மனி மற்றும் அர்ஜென்டினா அணிகளுக்கு இடையே இன்று நடக்கவிருக்கிறது. இந்த போட்டியில் வெல்லும் அணி இறுதிப்போட்டியிலும் விளையாடும் என்ற நம்பிக்கை எல்லோருக்கும் இருக்கிறது. உலகக்கோப்பை போட்டிகளிலிலே மிகஅதிக எதிர்பார்ப்போடு பார்க்கப்படும் போட்டியும் இதுதான்.

ஜெர்மனி ஏற்கனவே மூன்று முறை உலகக்கோப்பையை வென்றிருந்தாலும், அவர்களே சொந்த நாட்டில் நடக்கும் போட்டித்தொடரையும் ஜெயிக்கவேண்டும் என்ற எதிர்பார்ப்பு ஜெர்மனி மக்களிடையே இருக்கிறது.  இப்போட்டித் தொடர் துவங்கும் முன் ஜெர்மனி அணியின் மீது இவ்வளவு எதிர்ப்பார்ப்பு இருக்கவில்லை. ஆனால் இதுவரை நடந்த நான்கு ஆட்டங்களையும் கண்ட பின் ஜெர்மனி அணியின் ஆதரவு அதிகமாயிருக்கிறது.  இந்த போட்டித்தொடரில் இந்த அணி விளையாடிய நான்கு போட்டிகளையும் வென்றிருக்கிறது.  ஜெர்மனியின் வீரர்கள் இதுவரை 10 கோல்கள் அடித்துள்ளனர்.  இவர்களுக்கு எதிராக அடிக்கப்பட்டது இரண்டே இரண்டு கோல்கள் மட்டுமே. அதுவும் கோஸ்டாரிக்காவுடனான இப்போட்டித் தொடரின் முதல் போட்டியில் பெற்றது.

Ballack தலைமையில் விளையாடும் இவ்வணியில் Klose (4 கோல்கள்), Podolski (3 கோல்கள்) முன்னனி வீரர்கள் தங்களுக்கிடையே 7 கோல்கள் அடித்துள்ளனர்.  இவ்வணியின் கோல்கீப்பர் Lehmann இதுவரை அதிகமாக சோதிக்கப்படாவிட்டாலும், ஜெர்மனியின் தடுப்பாட்டம் சிறப்பாகவே இருக்கிறது (முதல் போட்டியை தவிர).  ஸ்விடனுக்கு எதிரான இரண்டாவது சுற்றிலும் இதன் தடுப்பாட்டம் சிறப்பாகவே இருந்தது.  ஆட்டத்தின் துவக்கத்தில் களமிறங்கும் 11 வீரர்களில் 10 பேரும் நடந்து முடிந்த எல்லா போட்டிகளிலும் ஆட்டத்தை துவக்கினார்கள். கேப்டன் Ballack முதல் போட்டியில் விளையாடவில்லை.  பிரேசிலைப் போல் தனிப்பட்டு சொல்லக்கூடிய நட்சத்திர அந்தஸ்துள்ள ஆட்டக்காரர்கள்  யாரும் இல்லாவிட்டாலும் ஒரு அணியாக இவர்கள் சிறப்பாகவே விளையாடிவந்திருக்கிறார்கள். இதுவே இவர்களின் பலம். அர்ஜென்டினா அணியின் தாக்குதல் ஆட்டத்தை மனதில் கொண்டு இவர்களின் இன்றைய துவக்கம் 4-4-2 என்றே இருக்கும் என்பது என் எதிர்பார்ப்பு.

இதுவரை இரண்டு முறை சேம்பியன்களான அர்ஜென்டினா அணி இந்த உலகக்கோப்பையில் முதல் சுற்றில் சிறப்பாக விளையாடியதன் மூலம் தன்னம்பிக்கையையும் ரசிகர்களின் நம்பிக்கையையும் பெற்றிருக்கிறது. நடந்துள்ள 4 ஆட்டங்களில் 3 போட்டிகளை வென்றிருக்கிறது.  ஹாலந்துடனான முதல் சுற்று ஆட்டத்தை டிரா செய்தது. செர்பிய அணிக்கு எதிரான இவர்களின் முதல்சுற்று போட்டியை தான் இதுவரை நடந்த 56 போட்டிகளிலேயே சிறப்பான ஒன்றாக நான் தேர்ந்தெடுப்பேன்.  அர்ஜென்டின வீரர்கள் இதுவரை 10 கோல்கள் அடித்துள்ளனர். இவர்களுக்குகெதிராகவும் இரண்டு கோல்களே அடிக்கப்பட்டுள்ளன.  அர்ஜென்டினா அணியின் தடுப்பாட்டமும் ஜெர்மனிக்கு குறைந்ததில்லை.  உலகத்தில் சிறந்த தடுப்பாட்டக்காரர்களில் ஒருவராக கருதப்படும் Cambiasso இவ்வணியில் விளையாடுகிறார். இன்று ஜெர்மனியின் தக்குதல் ஆட்டத்தை சமாளிக்க இவரின் பங்களிப்பு அர்ஜென்டினாவிற்கு அவசியம் தேவை.

பேப்பரில் இரு அணிகளும் சமபலம் உள்ளதாக தெரிந்தாலும் ஜெர்மனி அணி அர்ஜென்டினாவை விட கொஞ்சம் முன்னிருப்பதாக எனக்கு படுகிறது.  சொந்த நாட்டில் விளையாடுவதும் அவர்களுக்கு சாதகமாக இருக்கும்.  அர்ஜென்டினா இப்போட்டியை ஜெயிக்க போராட வேண்டியிருக்கும்.  ஆக ஜெர்மனி வெற்றி பெறும் என்பது என் கணிப்பு.

Technorati Tags: உலகக்கோப்பை-2006, கால்பந்து

வீரர்களின் கோல் நிலை:

அணி	வீரர்	கோல்கள்
ஜெர்மனி	Miroslav Klose	4
அர்ஜென்டினா	Crespo	3
அர்ஜென்டினா	Maxi Rodriguez	3
பிரேசில்	ரொனால்டோ	3
ஜெர்மனி	Lukas Podolski	3
பிரேசில்	Adriano	2
இங்கிலாந்து	Gerrard	2
பிரான்ஸ்	Henry	2
பிரான்ஸ்	Vieira	2
போர்ச்சுகல்	Maniche	2
உக்ரைன்	Andriy Shevchenko	2

விளையாடுகின்ற 8 அணிகளில் 4 அணிகள் அதிகபட்சமாக 3 போட்டிகளே ஆடவிருக்கும் (கால்இறுதி, அரையிறுதி, இறுதி (அ) 3வது இடம்) நிலையில் எந்த வீரர் அதிக கோல்கள் அடிக்க வாய்ப்பு இருக்கிறது ? இந்த 3 போட்டிகளில் ஒரு வீரர் அதிகபட்சமாக எத்தனை கோல்கள் அடிக்க முடியும் ?

technorati tags:உலகக்கோப்பை-2006, கால்பந்து

கால்இறுதி போட்டி பட்டியல்

இந்த நான்கு போட்டிகளும் வருகின்ற வெள்ளி, சனி ஆகிய நாட்களில் நடக்கவிருக்கின்றன. இன்றும் நாளையும் எந்த போட்டியும் கிடையாது.

technorati tags:உலகக்கோப்பை-2006, கால்பந்து

Technorati Tags: உலகக்கோப்பை-2006, Worldcup-2006, Football, கால்பந்து

இரண்டாவது சுற்றின் கடைசி போட்டியில் ஸ்பெயின் மற்றும் பிரஞ்சு அணிகள் சந்தித்தன. விறுவிறுப்பாக நடந்த இப்போட்டியில் ஸ்பெயின் பெரும்பான்மையான நேரம் சிறப்பாக விளையாடினாலும், கடைசி 10 நிமிடங்களில் அதிரடியாக விளையாடி இரண்டு கோல்கள் அடித்ததன் மூலம் பிரஞ்சு அணி கால்இறுதிக்கு தகுதி பெற்றது.

இந்த போட்டியில் ஸ்பெயின் துவக்கத்திலிருந்தே தடுப்பட்டமே ஆடியது. ஆனால் பிரஞ்சு அணியோ தாக்குதல் ஆட்டத்தில் ஈடுபட்டது. ஆட்டத்தின் 23வது நிமிடத்தில் பிரஞ்சு வீரர் Lilian Thuram ஸ்பெயின் வீரர் Ibanez Pabloவை கோல் கம்பந்தின் அருகே தடுக்கமுயல, ஸ்பெயின் அணிக்கு ஒரு பெனால்டி வாய்ப்பு கிடைத்தது. ஸ்பெயின் வீரர் David Villa இந்த பெனால்டி வாய்ப்பை சரியாக பயன்படுத்தி ஸ்பெயின் அணியை 1-0 என்று முன்னிலைப்படுத்தினார்.

40வது நிமிடத்தில் பிரஞ்சு வீரர் Patrick Vieira எடுத்துதந்த பந்தை Frank Ribery ஸ்பெயின் கோல்கீப்பரை ஏமாற்றி கொண்டு சென்று ஒரு கோல் அடித்து இரு அணிகளையும் 1-1 என்று சமன் செய்தார்.

இரு அணிகளும் 1-1 என்ற சமநிலையில் துவங்கிய இரண்டாவது பாதி மிகவும் விறுவிறுப்பாக இருந்தது. பந்து பெரும்பான்மையான நேரம் ஸ்பெயின் அணியின் கட்டுப்பாட்டில் இருந்தாலும், பிரஞ்சு அணி இரண்டு கோல் வாய்ப்புகளை உருவாக்கியது. ஆனால் கோல் ஏதும் அடிக்க முடியவில்லை.

ஆட்டத்தின் 83வது நிமிடத்தில் கிடைத்த Free-kickஐ பிரஞ்சு கேப்டன் Zidane அடிக்க, அந்த பந்தை தலையால் கோல் அடித்தார் Vieira.

இருந்த கடைசி சில நிமிடங்களில் மீண்டும் ஒரு கோல் அடித்து சமன் செய்யும் கட்டாயத்தில் ஸ்பெயின் அணி விளையாடிய போது, பிரஞ்சு கேப்டன் Zidane பிரஞ்சு அணிக்கு மூன்றாவது கோல் அடித்து வெற்றியை உறுதிசெய்தார்.

முதல் சுற்றில் மிகவும் தடுமாறிய பிரஞ்சு அணி, டோகோவுடனான மூன்றாவது ஆட்டத்தை வென்றால் தான் இரண்டாவது சுற்றிற்கு வாய்ப்பு என்ற கட்டாயத்தில் வென்று இரண்டாவ்து சுற்றில் நுழைந்தது. இந்த போட்டித்தொடரில் துவக்கத்திலிருந்தே சிறப்பாக விளையாடிய ஸ்பெயின் அணியை வென்றாது எனக்கு ஆச்சரியமே. பெரும்பான்மையான நேரம் பந்தை தங்கள் கட்டுபாட்டில் வைத்திருந்த ஸ்பெயின் அணி கோல் ஏதும் அடிக்காமல் பிரஞ்சு தடுப்பாட்டக்காரர்கள் மற்றும் கோல்கீப்பர் பார்த்துக்கொண்டார்கள். அதே சமயம் கிடைத்த வாய்ப்பை பயன்படுத்தி கடைசி 10 நிமிடங்களுக்குள் இரண்டு கோல் அடித்து கால்இறுதிக்கான இடத்தை பிரான்ஸ் உறுதி செய்துகொண்டது.

முதல் சுற்றில் தன்னம்பிக்கை இல்லாமல், அணியின் மேல் ஒரு தாக்கம் இல்லாமல் ஏனோ தானோ என்று விளையாடிய Zidane, இன்றைய போட்டியில் தன்னுடைய பழைய விறுவிறுப்பான ஆட்டத்தை கொண்டுவந்தார். இந்த வெற்றியின் மூலம் பிரஞ்சு அணி கால்இறுதியில் பிரேசிலை சந்திக்கின்றன. 1998 இவ்விரு அணிகளும் உலகக்கோப்பை இறுதி போட்டியில் கடைசியாக சந்தித்தன. அப்போட்டியில் Zidane இரு கோல்கள் அடித்து உலகக்கோப்பையை பிரான்ஸ்க்கு பெற்றுதந்தார். ஆக சுவாரசியமான கால்இறுதி போட்டிகள் நமக்காக காத்திருக்கின்றன.

Technorati Tags: உலகக்கோப்பை-2006, கால்பந்து